Утырышны сәяси совет секретаре, ТР Дәүләт Советы Рәисе Фәрит Мөхәммәтшин ачып җибәрәчәк һәм алып барачак

(Казан, 31 июль, «Татар-информ»). Бүген “Бердәм Россия” партиясе Татарстан бүлеге сәяси советының XXXIV утырышы уза. Утырышны сәяси совет секретаре, ТР Дәүләт Советы Рәисе Фәрит Мөхәммәтшин ачып җибәрәчәк һәм алып барачак, дип хәбәр итә “Бердәм Россия” Бөтенроссия сәяси партиясенең Татарстан төбәк бүлеге матбугат хезмәте.
“Бердәм Россия” Бөтенроссия сәяси партиясенең Татарстан төбәк бүлеге җирле бүлекләренең җирле сәяси советлары яки конференцияләр тарафыннан 2010 елның 10 октябрендә узачак сайлауларда Татарстан Республикасы муниципаль берәмлекләре вәкиллекле органнарына алга таба депутатлыкка кандидат итеп күрсәтү өчен җирле сәяси советлар тарафыннан тәкъдим ителгән кандидатураларны килештерү турындагы мәсьәлә көн тәртибендәге төп мәсьәлә булачак.
Сәяси совет утырышында шулай ук сәяси партияләр, депутатлыкка кандидатлар, җәмәгать оешмалары, Татарстан Республикасы сайлаучыларына “Гадел сайлаулар өчен” дигән мөрәҗәгать кабул ителәчәк, хезмәттәшлек турындагы килешүгә кул куелачак.