20 сентябрьдә М.Җәлил исемендәге Татар академия опера һәм балет театры яңа 72-нче сезонын ачып җибәрә

(Казан, 1 сентябрь, “Татар-информ”). 20 сентябрьдә М.Җәлил исемендәге Татар академия опера һәм балет театры яңа 72-нче сезонын ачып җибәрә. Бу көнне театр артистлары М.Панджавидзе куелышында Г.Доницеттиның “Лючия ди Ламмермур” операсы белән сөендерәчәк.
Шулай ук 25, 26 сентябрьдә - “Дама с камелиями” спектакле, 28 сентябрьдә - “Трубадур” операсы һәм 30 сентябрьдә “Спартак” балеты күрсәтеләчәк. Октябрь аенда казанлыларга “Шүрәле”, “Лебединое озеро”, “Белоснежка и семь гномов”, “Дон Кихот”, “Щелкунчик”, “Дама с камелиями” балетлары тәкъдим ителәчәк, дип хәбәр итә театрның матбугат хезмәте.