Район буенча 2611 тонна печән, 30450 тонна сенаж һәм 7265 тонна силос әзерләнгән

(Казан, 2 сентябрь, “Татар-информ”, Роза Исмәгыйлова). ТР Кама Тамагы муниципаль районының авыл хуҗалыгы өлкәсендә эш гөрли. Хәзерге вакытта район кырларында 3382 гектар уҗым чәчелгән, дип хәбәр итә “Идел таңнары”.
Чәчелгән уҗым кырларының 1807 гектары - “Кама Тамагы”, 1400 гектары “Тәмте” агрофирмасында һәм 175 гектары Ленин исемендәге хуҗалыкта. Бер үк вакытта туңга сөрү яки туфракны өслекле эшкәртү алып барыла. Районда әлеге агротехник алым 7111 гектар мәйданда башкарылган.
Тулаем район буенча 2611 тонна печән, 30450 тонна сенаж һәм 7265 тонна силос әзерләнгән. Бу шартлы бер баш терлеккә 14,1 центнер азык берәмлеге дигән сүз.