Казанда Кубань дәүләт аграр университеты ректоры А.Трубилин җитәкчелегендәге делегация булып китте

(Казан, 2 сентябрь, «Татар-информ», Ирина Игнатьева). Казан һәм Кубань аграр университетлары хезмәттәшлек турында килешү имзалады. Казанда Кубань дәүләт аграр университеты ректоры А.Трубилин җитәкчелегендәге делегация булып китте. Бу хакта “Татар-информ” агентлыгына Казан дәүләт аграр университетының белем бирүнең сыйфаты буенча проректоры Лариса Тинчурина хәбәр итте.
Имзаланган килешү кысаларында студентлар һәм укытучылар белән алмашу, уртак фәнни тикшеренүләр үткәрү, фәнни семинарлар һәм конференцияләрдә катнашу күздә тотыла. Моннан тыш, бергәләп спорт ярышлары үткәреләчәк, Казан студентлары Кубаньда (анда авыл хуҗалыгы техникасы җитештерү заводы бар) производство практикасы узачак. Казан дәүләт аграр университетының механикалаштыру институты студентлары өчен бу аеруча актуаль.