Бүген “Оргсинтез” бассейнында узган өченче матчта россиялеләр Казакъстан җыелма командасын өченче мәртәбә отуга иреште

(Казан, 7 сентябрь, «Татар-информ»). Россиянең су тубы буенча җыелма командасы Казанда узучы II Евразия уеннарында алтын медаль яулады.
Бүген “Оргсинтез” бассейнында узган өченче матчта россиялеләр Казакъстан җыелма командасын 22:3 (4:0, 8:0, 4:3, 6:0) исәбенә өченче мәртәбә отты.
Диана Антонова Казакъстан җыелма командасы капкасына – дүрт, Василиса Подельщикова, Светлана Кузина, Любовь Зубкова һәм Яна Дегтярева өчәр туп кертте. 3 матчта 11 туп кертүгә ирешкән россияле Анна Богданова II Евразия уеннарының иң көчле һөҗүмчесе дип табылды. Бу хакта турнирның матбугат үзәге хәбәр итә.